هاشم هاجوا اعله الكون الاظلم
عبد الله بن مسلم من تخذم
تناخو عالمنايه او گاموا الكل
او هاجوا عالحرب هيجة المشبل
واحدهم تلوّه لوية الصل
او سيفه والمح يتگاطرن سم
شباب او لاتعرف اگلوبها الخوف
اولاهابت الويد اوملگه الاحتوف
گبل شد التمايم فوگ الاچفوف
تشد اسيوفها اوبيها اتوسم
تحلي ارگابها اطواگ الحمايل
او مهدها اظهور طيبات الاصايل
تناغيها الصوارم والعواسل
والميدان برباها ايتوزم
سلوا بيضهم واتباشر الحوم
او لكدوا فرد لكده اونحرو الگوم
تعال اوشوف ذاك اليوم الاگروم
عزيز الروح من يشرد او يسلم
حموا سوگ الحرب ضنوات الاحيود
او باعوا بالمعاره ارواح وچبود
لمن كلهم تفانوا دون الحدود
ابدور او غوّرت ببحور من دم
تهاووا بالمعاره ابدور وانجوم
اوعليها الزان شابچ مثل الغيوم
ثناهم ظل جزيل اويومهم يوم
اودين الله ابمراهفهم تطلسم
ضحايه امسوا يويلي ابخطة الكون
ابدور اوتحت عج الخيل يضوون
هذا افغرت روحه اوذاك مطعون
او هذا امن الطبر جسمه تخذم
تعناهم احسين او وگف يمهم
لگاهم عالوطيه ايسيل دمهم
سچب دمعه اعلى اهل بيته اويگلهم
عليّه افراگكم يكرام يزحم
يا شبان يا هيبة الثايه
ابعيني اشلون اشوفنكم ضحايه
عگبكم من يرد عني الروايه
اوجيش اعداي للغاره تولم
اترك تعليق