سار الظعن والحادي تجدم
اوگام ابمدح ابواليمه ايتدنم
يخاطب ناگته اوتتهامل العين
بيها الناگه اعلى هونج من تسيرين
احسين البلظعن وعيال الحسين
اوشمل الدين كله اجتمع والتم
ابدور اوطالعه اوتزهر بالاكوان
اوتطري ابمچارمهم الركبان
هذوله الردو الفطرس الجنحان
اوجبرائيل من عدهم تعلم
غدت نوگ الظعن تگطع بالاوهاد
اوبثرها الحر يساير ظعن الامجاد
ساعه اولن وگف مهر ابو السجاد
او عن ذيج الارض عيه ايتجدم
صد احسين بعيونه اعلى الاصحاب
ونشدهم شسم هاي الارض يطياب
صاحوا كربله صاح ابو الاطناب
علينه ايكر بلاها اونمسي اخذم
اترك تعليق