طلعت زينب اوطلعت العيله
ركبت والظعن طوح دليله
لن بتله الظعن صوت العليله
يحادي الظعن بالله لحالي ارحم
يحادي الظعن وياكم اخذوني
عگبكم ياهلي يعمن اعيوني
وحدي بهالوطن لا تخلوني
عليله والجسم بنلظم بالسم
ناداها الحسين و دمعته اتسيل
يبعد اهلي سفرنه دربه اطويل
يبويه انتي عليله وجسمچ انحيل
وعلى المثلچ يبويه السفر يحرم
يبويه ردي اوتمي بهالدار
اوكل يوم اليمر نبعثلچ اخبار
يبويه اولو شفت لينه الفلك دار
تجينه انتي او شملنه اهناك يلتم
تگله اشلون اتم بالدار وحدي
عليكم مگدر اصبر وحگ جدي
يبويه عاد خلي الطفل عندي
يسر گلبي امنشوفنه ايتبسم
يبويه اعلى البعد ماليش طاگه
واخوي الطفل مگدر على افراگه
اموتن واحتيي ابشمة اطواگه
اويهون افراگكم وياي لو تم
يگلها الطفل عندچ چيف اخليه
اشلون اتفارجه امه اوتصبر عليه
بويه حرمله الخيّچ يتانيه
يريد ايطوگه ابسهم المحتم
اترك تعليق