من صبح اعلى السير عازم
لهل الغدر واهل النمايم
آمر على اشبول الهواشم
تشد المحامل عالنعايم
اوصد العضيده ابگلب هايم
ناداه يابحر المچارم
خل تطلع اوياك الفواطم
لفه الزينب العباس باسم
گاللها گومي الظعن والم
وعالسير اخوي اليوم جازم
نادته اودمع العين ساجم
وياك اگومن وانته غانم
لاجن يخويه ابحالي عالم
محمل مذلّه اولا هضايم
وشوف الگدر بالظعن حايم
ماتدري بالكوفه اشنوالم
لمن سمع جرّد الصارم
نخافين قلها وآنه سالم
صاحت يوالي الحرم دايم
طلعت اووياها الكرايم
ركبت وحفتها الضياغم
عون اوعلي اوجعفر اوجاسم
وحسينها اعلى الخيل جادم
واخوته اليحلون اللوازم
جدامها امنشره العمايم
اوعباس للهودج املازم
خايف تصد لخته الوادم
چا وين عنهن چان نايم
من صبّحن بالطف غنايم
مابين من ضارب اوشاتم
اترك تعليق