بالله اليوم سحّي الدمع يا عين
عله البالسيف راسه انجسم نصين
بچت زينب اونادت يا ضمدنه
يا سور الحمي اوعزنه اوعمدنه
يبو الحسنين منته الدللتنه
من عگبك يبوي اتهدّم الدين
يعلة كونها يا كنز العلوم
اوشمس الماتضمك كل الغيوم
يصلّ اليكتل ابسمه يجيدوم
تضم شخصك الگاع اشلون هالحين
عگب ما نعت عد ليث العرينه
غابت روحها اوگعدت حزينه
شافت نعش ابوها شايلينه
نادت وين نيتكم يماشين
تبعتهم تلوع الگبر ابوها
لگت عزها اندفن وينوح اخوها
الحسن واحسين گاموا يسلوّها
چيف اصبر تگلهم يهالطيبين
گام الحسن عن الگبر سدّر
لحگتهم تصيح الله واكبر
جريب البلد بعد الفجر ماطّر
اجاها امحمد اودم تسچب العين
ردها الدار ابوها اوشاهر السيف
يخاف ايشوفها احّد ليث المخيف
اولرض الشام تمشي او يا لغرب چيف
يبو جاسم اوعن زينب چنت وين
تفطّر بالصبر گلب ابو محمد
لون همّه ابصخر ذاب اوتمرّد
بحشاه الجمر گام ايتوگد
لمن بالسم دليله انجسم نصين
اترك تعليق