شبل احسين للحومه تجدم
هلال اوبزغ من برج المخيم
شع نوره ابظلام الكون واشرقگ
اووجه بخطة الحومه تبردگ
وگف بالحرب يجسم جسمة الحگ
السيفه ارواحها اوللحوم الاخذم
صرخ بيها اوخطف من عدها الارواح
اوخله ابدانها اعلى اخيولها اشباح
ابو الحسنين چنه اوبالسرب صاح
جسدها اوذب الاشگر فوگ الادهم
هز غدارته اوروط العسال
اولف راياتها اوكور الدركال
ذاك اليوم صارت بيده الآجال
اوكل حران منها انطاه مسهم
اوليله الوجه ابو اليمه اتفكر
تشوفه ابحرب ابنها الوجه مستر
ساعه اولن دمع عينه تفجر
اوعليه غيم الحزن والهم تلملم
طلعت صارخه اوتنهض اوتعثر
يبو اليمه اشسبب لونك تغير
اخاف انصاب بالميدان الاكبر
اوحاتفني على اوليدي المحتم
يگلها اودمعته اعلى الخد هميله
برزله بكر ابن غانم يليله
ردي ابساع للخيمه اندعيله
بلچه يرد ومن الچتل يسلم
ردت للخيم والدمع دفاگ
تصيح ويابسه من عدها الارياگ
يمن رديت يوسف بعد الافراگ
سالم رد علي والحالي ارحم
يلاهي ارحم ابها المدلول حالي
اوحيّد واسهرت بيه الليالي
ماعندي ضخر غيره اووالي
وانته ابحالي يامعبود تعلم
استجاب الله دعاها ابعالي الشان
او جدّل بكر بن غان الخّوان
وگف يرتجز بموسّط الميدان
او چبده امن العطش بورح او فحم
اترك تعليق