ابهونك يمن تسرع ابمسراك
ابي اسايلك وارشد على اهواك
امنين اجيت اووين منواك
اوتصفج يمينك فوگ يسراك
اوتبچي اورجنت البلد ببچاك
گلها اوگواه امن الحزن راك
امن العراگ اجيت ابخبر فتاك
يرج الارض ويعطل الافلاك
واريدن گبر مخدوم الاملاك
من سمعته صاحت يحياك
تراك اوصلت گبر النبي ذاك
لاچن احچيلي اشحامل اوياك
گلها الخبر تلگينه اهناك
صاحت يناعي الله يرعاك
عاين الحالي اوچيف يخفاك
ما بيّه اصل للمسجد اوياك
گلي اشتگول اهناك بنداك
گلها اصيحن يالنبي اعداك
ذبحو احسين اوسفكو ادماك
صاحت يبويه احنه انترجاك
تجينه اوتلوذ الحرم بحماك
واليوم ناعي الگدر ينعاك
اترك تعليق