بدر هاشم عضيد احسين .. توسط خطة الميدان
وگــال اليوم أكــر عيون .. ابوي وكــل بني عدنان
توشــح بالنــصــر عبــاس .. ولاح ابظــهــر المــطهم
وگــال اليـوم اســوي يوم .. عالجيمان يــوم اظلم
اشلع شوس واحصد روس .. وبعوده حلف واقسم
وصال وصاح ابو فاضل .. وين المفر يا فرسان
وين المفر يافرسان .. ابو فاضل صــرخ بيها
وگال جسومكم ياگوم .. طعم للحوم اخليها
مثل عملت بـدر وحنين .. يو صفين اسويها
وانه بن البطل حيدر .. الما يحتاج اله تبيان
انه بن البطــل حيــدر .. يصيح ويـرف بيده الواه
وكل حيد اليصل عباس .. ابد ماتضل روحه وياه
اكلـك يالتناشــدني .. شــســوه البــدر ويه عــداه
الزلم هجت لچن هجت .. وهي بگلوبها النيران
وج بگلوب عـدوانه .. شبل المرتضى ناره
ويتوهج بنور ونار .. وكـل ما تثگل الغاره
نار تهيج من سيفه .. ووجهه يزود بنواره
غزاها وخردل اعينها .. وغداها تياه بالوديان
غــداهــا تيــاه بالــوديــان .. وســدر للــمســنــايه
شبل المرتضى وركز .. على شاطي العلگمي الرايه
وصــل مايه وغــرف بيده .. وذبه وما شرب مايه
گال اشرب واخوي حسين .. ضامي والطفل عطشان
اترك تعليق