تياسر بالظعن حادي النعايم
اولاحت للطفوف الهم علايم
لن جابر لفه اوياه الهواشم
تدگ عالروس وعلى السدر تلطم
صاحوا ياهله بيكم يلكرام
ليش اظعونكم بس حرم وايتام
ابوك احسين وينه اوين جسام
وابوفاضل يلعليل او بني العم
يگلهم والدمع فيض الوديان
چتل خلصو عمامي ابهذا المچان
ظلت بس يتامه اوجمع نسوان
او غيري الها الفواطم عدل ماتم
لون عينك يجابر تصد ليها
يوم الصوّل العسكر عليها
سلب كل حللها او كل حليها
اونار الگوم شبت بلمخيم
يعمي او فوگ هذا الهظم كله
سبونه واليبارينه خولّه
شبعنه امن الهظم ومن المذله
يفكنه ظالم او نوگع ابأظلم
بچت زينب اوصاحت ياولينه
يعمه گبر ابوك احسين وينه
صاح الگبر ذاك اجرت عينه
تعنتله او گلبها اشتعل وضرم
اترك تعليق