لمن لاحت علايم لعد طيبه
تباچن ولظعن كبر نحيبه
صاحت زينب ابدمعه سچيبه
يحادي الظعن ريض لاتجدم
نادت يبن اخوي المات عطشان
اليثرب مانطب من غير وليان
يعمه انصب خيمتنه ابهالمچان
نظل لمن يوافينه المحتم
المدينه اشلون اطب ليها يعمه
واشوف الدار وحشه امن ابو اليمه
دنزّل هالظعن وانصب اخيمه
عسن طيبه عگب ولياي تعدم
نزل زين العباد اوتهمل العين
بنه العمته اولعاييله الصواوين
ناده يابشر طب يثرب الحين
وانعه احسين حتى الناس تعلم
گصد بشر ابن حذلم للمدينه
گام ايصيح ويهل دمع عينه
يهل يثرب غدت منكم العينه
عليكم وطن يثرب بعد يحرم
طلعت كل اهل يثرب امن الدور
تصيح بهون يالراچب على الكور
صوتك صار يشبه نفخة الصور
اخذ منه الگلوب ولا عگل تم
اترك تعليق