على زينب يويلي اتراكم الهم
إلها الشام من گام ايتهجم
لعند الشام من لاحت علايم
حنت زينب اوباجي الفواطم
شافن من بعد لمة الوادم
او عليها الحزن بغيومع تلملم
ونت زينب وگامت تنادي
عليك اقسم بجدنه النبي الهادي
عنه الروس طلعها يحادي
او على اظعون الحرم خلها اتجدم
يحادي عاليساره اعطف عليها
اولا تمشي ابطريج العام بيها
ترانه الشام بس مانصل ليها
علينه الناس من كل كتر تلتم
يحادي عاين الهاي الروايه
لفت وتريد تتلگه السبايا
علينه اهون وحگ الله المنايا
اومن عدها الشماته اصعب اوعظم
يحادي عاين الحال اليساره
بيش من الخلگ هاي اتواره
خاف اعلى الظعينه اتصير داره
واوامل عالهزل تصرخ اويتم
طب للشام ظعن اليسر مصباح
والمبشر لعند ايزيدها راح
صعد فوگ الگصر مطرب اومرتاح
اومن شاف الظعن گام ايتبسم
سمعت صوت الغراب ابجبل جيرون
ينعب گام لمن شاف الاظعون
صاح امن النبي استافيت الديون
بعد ماني بنعيبك ولك مهتم
اخذت امن النبي ومن حيدر الدين
او تعادل ميت غزوة بدر وحنين
ذبحت احسين واهله او دم الحسين
لعد جرح البگلبي صار بلسم
صارت عالظعينه الوادم اصفوف
امحنيه اچفوفها وادگ بلدفوف
او زين اعبادها بالحبل مچتوف
تهل عينه اويتمنه المحتم
اترك تعليق