ليش الگوم صاحت عگب ياسين
خل يطلع علي ايبايع ابهل الحين
صاحو صوت كلهم يهل هالدار
فكّو الباب خل يطلع الكرار
گبل ما تستعر بالحطب هالنار
اوعساچرها اوگفت عالباب كترين
گامت خايفه الحره الحزينه
تصيح اوتنتحب شلكم علينه
دخلونا عگب عزنا اوولينه
ننوح اوتهل بالدم دمعة العين
البيت ابنار لولا الخوف حرگوه
اوهجمو عالوصي اوبالبند گادوه
لحگتهم الزهره اتصيح خلّوه
رد بالسوط ليها الخاين الدين
ردليها اولگاها ابكتر العتاب
تبچي اعلى بن عمها ابدمع سچاب
ضربها اولاذت امن الخوف بالباب
عصرها اوطلب ثاره ابّدر واحنين
ردّ الباب من لاذت الزهره
عصرها اوطاحت ابشدّة العصره
ضلعها انكسر گلّي اشلون جبره
ماله اعلاج يرهم يا مناسين
تصيح اهنا يفضه اتلاحگيني
انكسر ضلعي اوسگط مني جنيني
يفضه وين حيدر ماي عيني
خل يحضر يفضه الساع ابو احسين
بچت اونتحبت اوصفگت بالچفوف
بالمسجد عزيزچ راسه مكشوف
والزهره اعتنت للمسجد اتشوف
تشوف الگوم دارت ببوالحسنين
تصيح ابصوت وتنادي الزچيّه
خلّوا يردّ ابن عمي عليّه
آيا جور دهري الغدر بيّه
بيه امن ابوي استافت الدين
اترك تعليق