دفع زينب اوسل السيف بيده
اوتربع فوگ صدره اوحز وريده
گطع راسه اوغدت ظلمه اورعيده
اوخيل الگوم دعت عالمخيم
گامت بالخيم تضرم النيران
اونهبوها العده اوسلبو النسوان
ردوا راحوا الخيمة الوجعان
وهو غارج ابحر المرض والهم
داروا عالعليل اجلاف اميه
خذوا نطعه اورموه اعلى الوطيه
وهو مطروح ما يوعي الوصيه
اولا يدري اعلى ابوه اشصار واسگم
فك عينه او لعد زينب تفكر
تگله الكون اشوفنه تغير
صد اوشاف راس احسين يزهر
فوگ الرمح مثل البدر لوتم
صاح ابساع گومي اولمي الاطفال
يعمه اوخل تفر بالبيده العيال
ذاك احسين راسه ابراس عسال
او عليه الكون هذا انرجن واظلم
ياشيال راس احسين رد بيه
لوين اتريد عن جسمه توديه
نريد الراس يم جسمه نخليه
اوندفنه لا يظل جسمه امجسم
يشايل راس اخوي احسين رده
لوين اتريد عن جسمه تبعده
لون ايشوف حاله اليوم جده
بچه اعلى امصيبته ابدال الدمع دم
اترك تعليق