المدينة تتمنى عودة الحسين

إلْكربلا اِبّاقي البقيّة لا تروحين

لاَرض المدينة يا ركايب ردّي احسين

بحسين ردّي يا ركايب للمدينه

وإلّا اِعطينا اِعهود لنِّك ترجعينه

لا ترحلي به تربة ما هي أمينه

فيها اِنصابت لأنبيا ويّا الوصيِّين

بحسين ردّي للمدينة يا مطايا

لا توصلينه كربلا اُمّ البلايا

خوفي يموت اُو نسوته تغدي سبايا

تُسبى اُو تتشهر على اَكوار البعارين

يحسين بعدك اُوحشت أوطان طيبه

وافتجع قلبٍ كان للباري حبيبه

والنّاس محزونة اُو تدعي الله يجيبه

اللهْ يعود اِحسين للدور الخليِّين

شال السبط ابعزوته اِمن اَرض المدينه

اُوخلّا الخلق تبكي على اِفراقه حزينه

واُمّ البنين اِتصيح شال اِحسين وينه

يمتى يجي الصّايح ينادي جاكُم اِحسين