الوزن : الفائزي
الموضوع : القاسم

صورة الشاعر
اسم الشاعر : ملا علي بن فايز

القاسم يتكفّل بأمه رمله

بدر الدجى جسام يا ضنوة المسمومْ

إنته اِبكفالة هودجي يا شاب ملزومْ

لا تصدْ عنِّي يا ضيا عيني يضرغام

يسرور قلب المجتبى يا بني يجسّام

حصّن الهودج يا عزيزي اُوقود لزمام

لتشوف شخصي النّاس يا مدلّل يقيدومْ

إنتخى الشاب اُوصارمه اِمن الغمد سلّه

اُوشال العمامة والشَّعر على المتن فلّه

اُوقلها ييمّه لا تخافين المذلّه

عندك بطل ترتاع من حملاته القومْ

ما دام أنا موجود خلّي الخوف عنّك

بالسيف والخطِّي لزيل الضّيم عنّك

لكنْ عقب ذبحي يصير النّوح فنّك

من تنظريني بالعرا اِمخضّب بلدمومْ

صاحتْ يراعي المرجلة يا نور عِيناي

دهري اِبحياتي في فَرح يا مهجة اِحشاي

كُلما شفتْ شخصك ينور العين ويّاي

زالتْ اَتراحي واِنجلى قلبي اِمن لهمومْ

نُورك يزيح اِمن القلب همّه ولحزان

محلاك تفتَر بالظعن كنّك غصن بان

خوفِي على هالنّور يا شمعة الشبّان

ينحمل كنّه اِهلال فوق الرّمح مزموم

غرّد اِبصوته اُوصاح يا ناس اغمضوا العين

لمَّن تجوز اِمخدّرات الطّهر ياسين

ذولا الودايع من عليْ خير الوصيّين

واحنا فدى حرّات حيدر بحر العلومْ

نادتْ به اُمّه وين هالسفرة يلبدور

قلها لأرض الغاضريّة يمّ لخدور

صِبري اُوتشوفين العجايب يوم عاشور

حرب اُو ضرب واِحنا انتذبّح في فردْ يوم

في يوم واحد تنذبح جملة هلبطال

ميظلّ ويّاكم اِبذيك الخيم رجال

إلّا عليل او مبتلي باِقياد واَغلال

إتشيلون وبالرّوس واِعلى التُّرب لجسومْ

اترك تعليق

avatar
  Subscribe  
نبّهني عن