لحد يبو جاسم غبت وين
عن كربلا اوماجيت لحسين
فزعت عليه الگوم صوبين
تطالب ابغزوة بدر وحنين
من شافوا انصاره جليلين
گالو نريده ايبايع الحين
واله اعلى حربه مستعدين
تدري بخوك اوهلك عيين
ماتغمض الهم عالهضم عين
من سمعوا على الحرب ناوين
تناخوا اوصالوا عالميادين
صولات ابوك ابيوم صفين
لمن گضوا كلهم مطاعين
والخيل اجتنه للصواوين
واحنه بگينه بس نساوين
ماندري ننطي اوجوهنه وين
ذاك الوكت ردتك يلحنين
تجيها اوتخلي الخيل شرنين
لاچن اشبيدي السطرة البين
عن جيتك صرنه بعيدين
اترك تعليق