بالله يناعي احسين اتنّي
أُصيك للكرار خلني
سود المعاصب هاك منّي
لعد والدي الما نشد عنّي
گلّه يحيدر شوف ذنّي
من زينب امحشّم اتعنّي
ليك او تگول اخطه مظنّي
عگب أخوتي اعليمن تچلني
وحسين بعياله امتحنّي
أحن و النياگ اتحن لحنّي
لا صرت بالدنيه عسنّي
اره شامتي الچفّه امحنّي
اوبديها النسه اطبول اوتغنّي
هذا العمه اعيوني اوكتلني
اگعدو ينومه الموت هاكم
هذي المسبيّه نساكم
هذه الباجي يتاماكم
هذا علي السجّاد اجاكم
وانه زينب اوعنّي اشلهاكم
انه امن الوطن جيت ابذراكم
لأرض كربله آنه ابحماكم
اويرفرف عله راسي لواكم
يوم اهدعش لحّد انخاكم
من ركّبونه البل عداكم
لحّد هظمتوني تراكم
مناجيد بليطرد سناكم
لاچن الموت المرد هاكم
لجيم الدهر كلّه ابعزاكم
ملابس حزن واگعد أنعاكم
اترك تعليق