العقيلة تستنهض داحي الباب

زينب تصيح بگلب عطّاب

اتحيّرت بديار الاجناب

كل الوسف خوّاني غيّاب

والنار شبّوها بالاطناب

من محنتي منّي الگلب ذاب

لمصيبتي حتى الطفل شاب

اشعطّلك ياداحي الابواب

انهض وسوّي اعلى العده اظراب

اوجيب الحسن ويّاك طلّاب

ان ما تجي هذا اكبر اصواب

اضلّن انوح ابدمع سچّاب

ترضه بناتك تفرح اجناب

وينه العلينه اليوم ينغر

انخاه نخوه اولا يتعذّر

يصل النجف والفجر ماطر

وينده يداحي باب خيبر

هذا اكتاب من زينب يحيدر

ويخبّره بهجمة العسكر

ويد الحرم بالخيم كبّر

واطفالنا طشّار بالبر

ويگلّه شبعد من هاي شكثر

ضعن الحرم للشام گوطر

يا حاضر الشدّات تگدر

عد زينب ابهالسالع تحضر