العقيلة تستعطف الحادي

(1)

لمن حده الحادي

بودايع الهادي

لن زينب اتنادي

ابهونك يحادينه

(2)

لاوين بينه اتريد

گاطع افجوج البيد

خاف الطريج ابعيد

والتعب ياذينه

(3)

واحنه حرم واطفال

ما ظلت النه ارجال

نمشي اعلى هذا الحال

موهين اعلينه

(4)

ريض يحادي الحين

بالظعن لحظه عين

لمن نصل لحسين

وتودعه اسكينه

(5)

نبغي نصل يمه

وبنحره انشمه

اونصرخ يبو اليمه

للشام سابينه

(6)

لحد يليث الكون

ماظن عليك ايهون

بينه العده ايطوفون

والشمر يولينه