زینب تصیح ابدمِـع سجـام
يا والدي يمچـسْـر الاصنـام
يمشيّـد إبـسيـفـك الإسـلام
يبويه أفطرت والناس صيّام
حگك كلِـف جرحك يضرغام
لاچـن يمـن بالحــرب وهّــام
عگـبك لـويـن اوجوه الايـتام
الليله اسهـرت ماتگـدر اتنـام
احنـا ابـحزن والعيـد بالشـام
اليـوم الگـلب يجـدح لهـيبـه
ومسّـت بنـي هاشِـم بـریبـه
وخُـوي الحسـن عالي نحيبه
ويْـصيـح والدمـعـه سـچيـبه
حـس بالخطر واعلـن طبيبـه
ابـوكـم ابــهاللــيلـه مـغـيبـه
تــرا سـاعـة افـراگـه جـریـبـه
اويــلا علـى الفـارگ حـبـيبـه
زینـب تِـون والـعـيـن عـبـره
اجت للحسن گـعدت بْكتره
تـگـلّـه يَـشِـمّـامـة الـزهــره
دلـيـنـي ابـويـه ويـن گـبـره
يخويه ارد اروحن ليه وخبره
اليتامه عگـب عينه مسهره
صطرنه الزمان شْلون صطره
والدهــر مـا يـنْـجـبـر كسـره
هل هل يدمعي وياگـلـب ذوب
على الطاح بالمحراب مصيوب
سيـف الوصل چشّـاف الكْـروب
تره مـن الهـواشـم گـطّع اگلوب
اللـيلـه اليـتـامه اتـلـوج وتْـلوب
ولـبسـة عليـك مْـن الحزن ثوب
يشيّـال نعـش ابـوي تاني
ابي اعـاتبـه ويگصر لساني
واگلّه الهظم هذا الدهاني
من كسر ضلع امـي لفاني
واليوم إجانـي صواب ثاني
فگـد والدي غيّـر ألــوانـي
اترك تعليق