يالعازم الكوفه تصلها
هذا البده امن الشر اولها
انا شايفة غدرات اهلها
هذه ويّه ابن عمّك اولها
عتبة يبو السجّاد شلها
هظيمة او فلا ينشال ذلها
تمنيت حيد حاضر اِلها
اويهجم على الكوفة وهلها
ويّاهم ايسوّي مثلها
اجى الحر واجتّ الخيل ويّاه
نبايع يزيد ايكون معناه
الگلوب ذابت يوم شفناه
اومن دارت علينه سراياه
أوّل غدر مسلم لگيناه
يحسين يا عباس اويلاه
أنا خايفه من جيّتي اهناه
يامن يردنا للوطن آه
يحسين اجتنه جيمة الحر
لينه تحاده ابعينك اُنظر
والشرّ يلوّح بيهم افكر
كوفة وهلها بيك تغدر
فعلها ويّه ابوك شلون تذكر
واخوك الحسن يو اسگته المر
عداوة أُمية اسنين ودُهُر
خاف ابّبلدهم عزمك اتمر
منّا يبو السجاد و سّدر
امن المدينه يوم سرنه
مداريع تبره المحاملنه
سبعة عشر وين المچنّه
يعدلون لو ميّل ظعنه
اثاري المنايه تبره النه
او للغاضريه من وصلنه
شفت المهر يحسين ثنّه
لا رفع رجله ولا تدنه
گلت كربله تغدر بهلنه
عسه ابكربله لا چا نزلنّه
اترك تعليق