يمحمد احچيلك حزنّه
من طوّح الحادي ابظعنه
اوظلت عرايه اجسوم اهلنه
واحنه يتامه اوحرم كلنه
اولا عدنه والي الينغر النه
بس العليل اوزاد ونّه
كلسا لعد موته ايتمنه
شحچيلك ابيا حال چنه
سبي الخوارج مو مثلنه
او للشام حين اللي وصلنه
طلعت الوادم تنظر النه
صوبين فرحانه ابچتلنه
اويزيد ابسطح گصره ايتثنه
من شاف روس اهلك لفنه
صار الفرح والطرب فنه
اولمن الديوانه دخلنه
تشمت يخويه اوضحك سنه
اوعگب الفعل هذا سجنه
ابخرابه يخويه الما تچنه
اوهند اطلعت تتفكر النه
گعدت اونشدت عن وطنه
من سمعت ابطيبه نزلنه
گالتلي بيت انشدچ عنه
الحامي الحمه اوللعز معنه
ناديتها اشتردين منه
صاحت ابزينب شلچ ظنه
واشلون اهلها اهل المحنه
ناديتها اتشتت شملنه
سبونه اويزيد ارخص ثمنه
تمنيت حاضر يا امچنه
ذاك الوكت وتشوف ذلنه
اترك تعليق