يعباس ماني جيت وياك
وعلى محملي يرف بيدك إلواك
ابوي الصميده بهاي وصّاك
ذخرناك للكلفه ذخرناك
يبدر السلف والسلف بحماك
حاشاك ما گصّرت حاشاك
لونها تلوح السيف يمناك
عالعلگمي ما چان عفناك
وچا ما مشينه ابولية اعداك
يعباس ماني اختك وجيتك
يالمرهب العدوان صيتك
لتلومني حگ اعتنيتك
سالم يخويه تمنّيتك
وتشوف العده داست ثنيتك
يبن والدي چا شنهي نيتك
آنه اميسّره ترضه حميتك
يعباس يالدگيت صدرك
تحمي الضعينه وجيت بمرك
على هظمتي والله معذرك
ولو رايتك طاحت ابكترك
يبن والدي جيت ارد اخبرك
آنه اميسّره ماضن يسرّك
بهاي أگولن شنهي عذرك
يالنايم اعلى العلگمي گوم
أمّن گلب زينب وكلثوم
يعباس ماهي ساعة النوم
وعلى احسين اخيّك دارت الگوم
يا ضنوة علي يا حر يجيدوم
يا من بيوم الحرب معلوم
انته الضخيره إلمثل هاليوم
اترك تعليق