من نوه احسين المسير الكربلا
ياخذ اصحابه اوهله
صاح يا فرّس بني عمر العله
اويا ربيع الممحله
گوموا ظعن الحرم شدوا امحامله
اوجدمولي الراحله
ارد اسافر واگطع افجوج الفله
والسفر بيكم حله
اوصاح للعباس راعي المرجله
ياعضيدي اوصد اله
گله محمل زينب اختك ياهوله
گله آنه اتجفله
گله چا روح ابيمينك عدله
بي عساها امهّله
اوخلها تطلع حته تلفي العايله
والمسير انعجله
من لفاها اوشافته صاحت هله
ياچفيل اعويله
گلها گومي ابيمتي بمدلله
وامرج آنه اتمثله
طلعت اوراياته اعليها امضلله
اوهمها بوجوده انجله
بيده ركبها ولاهي اموجله
چه عليه امعوّله
اشلون طلعه اطلعت مابن المله
بالفرح متهلله
ويوم بي ردت تنوح اومعوله
والمدامع هامله
عافت اخوتها واهلها امچتله
اوعالوطيه امجدله
اترك تعليق