لفوا لحسين نادوه الظعن تم
گوم ارشد ابنيتك يا مشيم
رفع راسه اونده يا واسع الباس
روح ابساع طلع اختك ياعباس
خل نظعن گبل ما تسمع الناس
اوعلينه يبن ابويه الخلگ تلتم
گصد عباس لخته اوطب عليها
جذب سيفه اووگف ما بين اديها
شالت راسها اوشالفت وليها
سلّم وبوجه زينب تبسم
صاحت ياهله ابجيتك ياعباس
يراعي الزرد ياچاسب النوماس
اشعندك بالدرع معلم او بالطاس
وشوفنّك ابجيتك هاي مهتم
جاوبها اوعليها شبح عينه
نريد السفر يختي امن المدينه
اخونه اهل العراگ امكاتبينه
اوليهم بالسفر هاليوم عزم
صاحت يا ضوه اعيوني اودليلي
يبو فاضل يخويه اگعد احچيلي
يا هو امن اطلع وياكم چفيلي
اويباري محملي اوبيه ايتوزم
دگ ايده اعلى صدره وصاح يختي
گومي ابشيمتي اوطلعي ابختي
اخيّچ لافدي لعيونچ مهجتي
من يدناچ وبچفي المحتم
اترك تعليق