آمر الحادي اوسار جدام
اوگام ايحدي اويسمع اللّوام
يا ناگتي اسري اوحثي الاجدام
واطوي الفيافي ابظعن الاكرام
آل الرسول اوثلث تنعام
كل فرد من عدهم بدر تام
وبنور وجه يجلي الاظلام
رد بچه اوناده ابدمع سجام
يباري السمه لحد يعلام
انصر الحسين وعز الاسلام
وخذل يزيد اليعبد اصنام
اوزينب تسير ابذيچ الهيام
ممن گلبها او لاعليه هام
تشوف الهواشم دونها احزام
عون اوعلي اوجعفر اوجسام
واحدهم اعلى الكون لوهام
يفني ابسيفه اويصبح اعدام
اوعباس ماخذ بيده الازمام
جدامها اومشهر الصمصام
احّا ييوم المشت للشام
يسيره اوذليله ابحكم ظلام
چا وين عنها جانوا انيام
اليوث الوغه اخوتها والاعمام
ماظل شريده اوشبل ضرغام
يلحق ضعنها اويبره الايتام
اترك تعليق