الزهره والوصي والحسن واحسين
گصدوا للنبي المختار شاچين
يبو ابراهيم يا راعي المحنّه
يوم الگوّضت للخلد عنّه
على بابك علت للگوم رنّه
ضربوني يبويه اشلون جَسرين
والزهره تصيح ابگلب مالوم
يبويه اشلون هَجمه هِجمة الگوم
اونگاد الوصي البلكون معلوم
ابن عمك الليث الشيَّد الدّين
إجتنه الگوم بويه اشلون جيّه
لفونا بالحطب هجمو عليّه
ضربني الرجس وآنه اشگف بديّه
اونخيت اللي خبطها ابّدر واحنين
بين الباب والحايط عصرني
سگطني جنيني اولا رحمني
وابن عمي امچتف راع عنّي
وهو كهف الأرامل والمساچين
وابن عمها يگلها اخلصت روحي
يبنت المصطفى المختار روحي
لعد دارچ اوبيها اليوم نوحي
وابچي اشكثر ماتردين تبچين
گامت والدمع عالوجن مسفوح
اجت للدار اويلي اوذايبه الروح
گعدت للبواچي اوزادت النوح
تنوح الفگد ابوها اوتون كل حين
اترك تعليق