طلع للكون لاچن طلع مغضب
طالب ثار واعلى الثار محرب
گام السيف بالهامات يخطب
شرّگها اوسوه الشاشها اخذم
سيفه الفلك واعلى ارگابها دار
يلمها او ترد منه اتصير طشار
ثلث تنعام ضتوة حامي الجار
لف راياتها او للسمر حطم
شبل حيدر ابيوم الكون معلوم
يجود اشما عليه تتكاثر الگوم
تباري المرهفه السرحان والحوم
شبعها اوترس بالزايد جهنم
من حربه الضياغم گامت اتلوج
او خله الخيل من فرسانها امروج
تخب گامت ابدم الشوس وتفوج
او ساوه الوانها الاشگر والادهم
طشرها او دعاها اذياه بالبر
او خله الخيل باهل الخيل تعثر
لون ما عد منطي بعالم الذر
من عدهم فلا ديار يسلم
اترك تعليق