نصب للحزن شبل احسين ماتم
ولفتله الناس تجري ادموعها دم
تطب اعليه گامت بعض الاصحاب
يعزونه ببوه اوفگد الاحباب
تنشده اعليك ياهو الاعظم امصاب
يصيح الشام من كل هظم اعظم
بلد ميشوم مثله ما رأينه
تدگ بدفوف اهلها اطلعت لينه
يسمونه خوارج من لفينه
اوبيه المرتضى جدي تشتم
ليل انهار ظل يجذب الونه
تشوف الماي عينه اوتصد عنه
يگول اشرب وابوي انحرم منه
عليچ الماي ياروحي امحرم
اوحين اتشوف عينه الحرم بالدار
يذكر بالخيم من شبو النار
يظل يبچي عليهن ليل وانهار
لمن سمه عدوه اومات بالسم
اترك تعليق