زينب لفت للحادي … تبچي اوتگله اتوانه
لمن لخوتي اتعنه … واخبرهم ابممشانه
گامت تلوم الحادي … وتصبره المهضومه
اتگله يحادي بهونك … وتوجهت للحومه
شبچت العشره اوصاحت … يشبول هاشم نومه
ترضون يهل الشيمه … نمشي ابيسر عدوانه
نوگ الهزل جابوها … اونيتهم ايرچبونه
واحنه حريم اوعيله … والنوگ مو مامونه
چيف البصر والچاره … لو رادوا ايمشونه
نرتحل ونخليكم … كلكم ضحايه اهنانه
صدت انوبه اوصاحت … عباس يا والينه
اوياك اطلعت من طيبه … ماتنهض اتودينه
عگبك يراعي الرايه … ياهو الذي ايبارينه
اوكلهم ضحايه اونومه … فوگ الارض وليانه
صدت انوبه اوصاحت … يا شبه جدنه الهادي
نوگ السفر جابوها … اونيته يمد الحادي
ماتسمع امك ليلى … اعليك اتعتب وتنادي
وتگول الاكبر وينه … شو ماركب ويانه
صدت انوبه اوصاحت … يبن الحسن يا جاسم
نوگ السفر جابوها … وانته يعمه نايم
ماتسمع امك رمله … تبچي اودمعها ساجم
وتگول ليش الوالي … ويه الغرب خلانه
من ايّست هلنوبه … صدت لبوها اوصاحت
حيدر يبويه ابناتك … ركبت سبايه اوراحت
بين الشمر والحادي … لحد يحيدر طاحت
كلسا يسدّر واحد … بالسوط يتولانه
اترك تعليق