صورة الشاعر
اسم الشاعر : ملا علي بن فايز

الحسين يودع قبر جده

في داعَة الله يا قبر جدّي يمبرور

عنّك اِمسافر بالحمولة اُو غالق الدُّور

ما هو اِبطيبي سفرتي غصباً عليّه

طيبة أخلّيها واَروح الغاضريّه

اُو تبقى مدارسنا اُو منابرنا خليّه

من عقب ما هي مزهرة اِبزهرة هلبدور

أوّل تبدَّ بالظلم حبتر يمختار

للدار جانا بالحطبْ والجزل والنّار

اُو حرقوا يجدّي دارنا اُوقادَوا الكرّار

يا ليت عينك تنظره بالحبل مجرور

واِتواثبوا الثنتيين يا جدّي علينه

إقطام بالكوفة اُوجعدة في المدينه

اُونالوا مناهم والذي راموه فينه

اُوخلّوا علينا يبتهج شراب لخمور

والْلي وصيت ابها البتولة مارعوها

بالباب والحايط يجدّي اَعصروها

اُومنْ شدّة العصْرة يجدّي سقطوها

ليتك تراها والضلع بالباب مكسور

واِبقيت أنا حاير وصب اِدموع عيني

واشوف ميراثي الأعادي غاصبيني

أبكي على ذيكِ الحمولة اِمفارقيني

ضمني اِبقبرك يا رسول الله يمبرور

اِقعد يجدّي شوف من باِبنك فديته

خارج من اِجوارك بجملة أهل بيتَه

لأرض المنايا والقدر حانتْ منيته

ضاقت بنا البلدان اُوضاقت كُل البرور

قلّه اِتروح إلكربلا واتِخْذَّها دار

حتّى لشيعنا تنجّيهم من النار

اُوكُل مِن بكا ابحسرة اُو تعنّى اِلقبرك اُوزار

الزاير إله حقٍّ على مِن جاله اِيزور

اُو يوم الحشر يا بني تجي جثّه بلا رأس

والدّم من نحْرك يثور اُو حولك الناس

واِتجي البتولة اُوفي يديها اِكفوف عبّاس

واتصيح وا حزني الذبايح يوم عاشور

اترك تعليق

avatar
  Subscribe  
نبّهني عن