الحسين يودع قبر أخيه الحسن

ودّع الزهرا وقام حاوي المفخر اِحسين

واَقبل إلى قبر الحسن يصفق الكفّين

واَنكب على قبر الحسن والدَّمع يجريه

*اُوروّى قبر خيه السبط من دمع عينيه

اُو زعْزع ضريح الحسن من كثرة بواكيه

يا خوي من بعدك علَيْ جاروا الملاعين

اُو نادى بصوت اِيفتّ قلب اللي يسمعَه

إيدٍ على راسه اُوإيدٍ فوق ضلعَه

في داعَة الله ما أظن يا خوي رجعَه

لرض المدينة في جمعنا يحدِي البين

نحبك قضيته يا خليصي ابسمِّ قتّال

واِبقيت من بعدك أقاسي اِهموم واَهوال

وعن وطن جدِّي زاعجيني قوم لنذال

ثاروا عليّه اُو طالبوني اِبثار صفّين

ودّي أجاوركم ولا حاصل بديّه

جدّي محمّد قال روح الغاضريّه

موضع ضريحك والأهل كُلهم سويّه

واليوم عنّك بالأهل ياخوي ماشين

بلّغ سلامي اُمّي الزهرا يمسموم

*قلها تركتْ اِخليصي في هالدهر مغموم

يبكي على فرقه هَله والدمع مسجوم

محتار وحده ظلّ ما بين الملاعين

قاصد أراضي كربلا باَهلي ولولادْ

حاشا لمثلي يختلف منّه الميعاد

اُو عندي الخبر أبقى رميّه فوق لوهادْ

واَبقى ثلاثتيّام لا غسلٌ اُو تكفين

اِتزعزع ضريح الحسن لجل اُوداع لحسين

واتزعزعتْ لاملاك من نوح الميامين

اُوماج البقيع اِبساكنه مثل السفينه

والجوّ أظلم والحسن زايد ونينَه

نسِّيتني تقطيع كبدي يبو اِسكينه

لاوين ها لسفرة يبو سكْنة إلى وين

قلي تعودو يالاُخو لو ما تُعودون

يا ليت ما تسري بكُم يحسين الظعون

بعدك يخويه الوفد بالخيبة يردّون

منهو إلى الوفّاد بعدك والمساكين

إتفطّرت كبدي من اُوداعك يا عضيدي

دفع القضا يابن الوصي ما هو ابئيدي

يا ليتني ويّاك في يوم الوعيدي

يومٍ اِبوادي كربلا اِتحطّون يحسين

اِتمنّيت أنا ويّاك يوم الحرب قدّام

يومٍ تجيك الخيل بالرّايه ولعلام

هاليوم والله ما جرى مثله بليّام

يومٍ مشومٍ فيه يحدي حادي البين

عندي وصيّة لك يبن طاها المبرور

لامّن نزلتْ الغاضريّة ابذيك لبدور

زوّج اِسكينة بالولَد جاسم يمشكور

قبلٍ يخون الدهر بيكُم يا ميامين

لبسه اِثياب العرس في صورة الأكفان

وخضبوه من دمّه اُودم خوته الشبّان

يا يوم عرسه يوم أهوالٍ اُو أحزان

واِتزيد ضجّات النسا وسط الصواوين

ويصير عرْسه للقيامة يُوصفونَه

اِمْعرس شباب اِبدمِّ نحره ايخضبونَه

اُوفي ساعة اِزفافه للحده اِيشيعونه

الله يثيبك يا شهيد الطفِّ يحسين