وحيد احسين بين الگوم من تم
لفه ايودع اعياله بلمخيم
يزينب صاح گومن ودعيني
هذا اليوم تالي اوداع مني
بعد ساعه الودايع يفگدني
او يشوفني على الغبره امخذم
لفن يتصارخت كل النساوين
اودارن بيه دور الجفن عالعين
يودعنه اوغده ايودعهن احسين
اولفراگه تسيل ادموعهن دم
بچت زينب اوحن گلبه عليها
تگله الحرم هاي اشلون بيها
يخويه الحرم من تفگد وليها
تذل وتصير للعدوان مغنم
امهبطه الراس وتنوح اوحزينه
دار ايده عليها اوجرت عينه
يگلها اعليچ عگبي يكثر الهم
اترك تعليق