الحسين ومواجهته الجيش

عليمن لزمتو الماي دوني

يا گوم كلكم تعرفوني

يا گوم آنه ظامي اسجوني

مهر فاطمه چي تمنعوني

يا گوم من عتبه اشتطلبون

شلكم علي وسفات وديون

نبيكم رسول الله تگولون

او وصيته بهل بيته تخبرون

اوعلي والدي الكرار تدرون

وأُمّي الزهره ما تنچرون

وأخوي الحسن ملفه اليگصدون

وانه احسين خامسهم تسلمون

اِلنه اولجلنه اتصوّر الكون

ابيا دين دمّي تستحلّون

گالو نعم نعرف المضمون

نبغض علي اونطلبكم اديون

وينك يسيف الله يطاعون

يموت العدو يمهدم الحصون

يحامي الحمه تسمع شيگولون

يا گوم لا معطل اومبطل

اولا سنّة الهادي امبدّل

ابيا دين دمّي ايجوز ويحل

گالو لحكم الملك تنزل

اِلك ما تحب يحسين وعدل

من سمع هذا رجف وزعل

وگف من زعوله وگفت الصل

هيهات امد ايدي عله الذل

أسالم عجب واگعد تحت ظل

وانه والدي البالسيف يهول

نهم نهمة البالشيب مشبل

هزّ الرمح واهتزّت الكل

جذب صارمه وادبر المجبل

تچنّه اوصرخ صرخة التذهل

گطفها اونسفها اوصاح ثجّل

يعين السرب والعين منچل

يطير الثبت لو چان يذبل

ريح الهوه العاصف ابسنبل

اوبرق صارمه يصعد اوينزل

بذا زلزله يقره اويرتل

بالروس عنّ الجثث يعزل

ما يندره حيها امن الأچتل

نهض ينهم اوزر المزرّد

وبسيف أبو الحملة تقلّد

چفه الطاس وبظهره المهر شد

ركب رچبه الكرّار واشتد

والمهلهله زينب او تنشد

ودموعها تجري عله الخد

تشوفه الملگه الموت معتد

رجف شاربه اومن هلهلت رد

ليها اوتچّنه اوحلف بالجد

يگللّها الهد اشلونه اوجزه الحد

هزّ الرمح ضنوة علي اوكد

اوخلّه الرمح كل عجّد اِوحد

او للصارم الكطّاع جرّد

تشعشع اوبرگوبه تگعّد

رخص روحه اوذبها عله الضد

دعه أنهارها چالليل الأسود

خطف كل بطل حرّان ينعد

بألف فارس الفتّاك باليد

شرّگ هامها او للسرّب بدّد

واِله خطة الميدان تشهد

شلفايده ابن امي توحّد

وابن والدي العبّاس ممتد

عله المشرعه الغبره توسّد