صورة الشاعر
اسم الشاعر : السيد عبدالحسين الشرع

اعتراض الحر الرياحي قافلة الحسين

سار احسين لاچن سار مهتم

يريد الثار خاف الثار يعدم

گاموا مايظعنون اويحطون

إلا ولعد مسلمهم يذكرون

مثل الجمر صارت منها العيون

تتواگد اوتغلي اگلوبهم دم

ما بين الركب متوسط البر

اوهاشم خيلها اعلى الظعن تفتر

لن واحد امن اهل الخيل كبّر

او صاح النخل لعيوني يتجهّم

گالوا هالدرب ماشي اهوايه

ما شفنه النخيل ابهالثوايه

ردوا عاينوا لن الروايه

اوعج الخيل دون الخيل غيم

صاح احسين يصحابي اشتگولون

چهف ما يصح بيه انحط الظعون

حته انشوف هالگوم اشيريدون

گالوا ذاك يمك جبل محكم

مالو ليه اوحطو بيه العيال

اورد احسين عنها اوعالدرب مال

لن الحر لفه اوياه الف خيال

حوّل وعلى ابو السجاد سلم

شاف احسين ضر العطش بيهم

تحسر وانكسر گلبه عليهم

تفكر وآمر اصحابه بسگيهم

وهو موچب لمن كل الور تم

لحگهم واحد اوعنهم تعگب

لفه اونار العطش بحشاه تلهب

صاح احسين ذوگ الماي اوشرب

نهض ليه اوسگاه بيده المشيم

الحر من گضه وراح العطش عنه

تفكر له الحسين اونشد منه

علينه انته يحر لو جادم النه

اوجيتك هاي شنهي اوليش مهتم

يگله اعليك اجينه وليك ناوين

وللكوفه نريدك تظعن الحين

مد ايدك وبايع عاد يحسين

اولو عييت يبن الفحل تندم

يگله السبب شنهو اتكاتبوني

وجيت وحمّلت ليكم اظعوني

يحر انچان لنكم خذلتوني

ارد والله اورسوله ابحالي ارحم

بعد هيهات لنك يبو السجاد

يسددلك ظعن من هاي الاوهاد

عليك انطيت لبن ازياد ميعاد

اوليه ارد آخذك يبن المشيم

لمن سمع حچيه انشحن واغضب

اوصاح الموت الك من حچيك اگرب

ابايع وآنه ابن چتال مرحب

لا وامي اوضلعها اللي تهشم

تعايوا عالمسير اوعاين اوصاح

اعلى غير الدرب من يندل هالابطاح

سمع صوته اوتجدمله الطرماح

گله احدي واوعلى اظعوني تجدم

اترك تعليق

avatar
  Subscribe  
نبّهني عن