يا حامي الحما اوغيث الممحلين
اشلون اتموت واتيتم المساچين
اشلون اتموت وانته الموت للموت
يا لمحدّ عليك ابكونها ايفوت
يعين احروبها البضيج منعوت
يصل ليك التخلسه ابلفتة العين
يسبع الزور بالمحد يگربه
يسلاّب الرواح ابيوم حربه
الف يا حيف ابن ملجم يضربه
الچان ايذوب گلبه ابطاري ابو احسين
شبح ليها العيون ابدمع يجري
يبوي يخلف الله اوبس اصبري
المگدّر يبويه موش بمري
خلص عمري يبويه اوگرب البين
حنت ويل گلبي ابگلب مجروح
ظنها انگطع منه اوذابت الروح
گامت تنتحب والدمع مسفوح
يويلي ابليلة الواحد اوعشرين
شبح للموت عينه اوعدل رجليه
وولاده أو بناته داروا اعليه
صاح اوداعة االله اومدّد ايديه
اوگضت روحه العزيزه اوغمض العين
اترك تعليق