سمع صوت البچه محمد والعويل
وهو امن المرض بالي اوجسمه انحيل
نشدهم ليش دمع الوادم ايسيل
او ليش الكون كله انرجن واظلم
صاحوا ظعن اخوك احسين سدر
اوگبل مايصل يثرب نزل بالبر
انچتل مسلم واهو المسلم تكدر
او هاي الوادم اتعزي ابمسلم
واظن يتناك ليه تطلع اويه الناس
صاح اطلع على العينين والراس
ركب غوجه وهو يلگف بالانفاس
اوچن گلبه ابچتل احسين يعلم
طلع بره المدينه اوشاف الاعلام
سود اوتلطم الوادم على الهام
صاح احسين ماهو ابهاي الخيام
انچتل والله اوعلم هاشم تحطم
وگع من ظهر غوجه ابذاك الوهاد
اولفت تصرخ الناس لزين العباد
تصيح الحگ على عمك يسجاد
گبل مايلحگ اعليه المحتم
لفه السجاد ليه اوگعد يمه
بچه اوسالت دمعته اعلى خد عمه
فك عينه اونده وين ابو اليمه
ابوك احسين واصحابع اوبني العم
يگله ايتيم ياعمي لفيتك
او من ذل اليسر هاليوم اجيتك
يعمي امن اخوتك وامن اهل بيتك
عدل غير الحرم وياي ماتم
اترك تعليق