وين اليلوح بظهر نفاح
المغرب ابشوگ السره اومرتاح
لو ركب خياله اوعليه لاح
يسبح العاصف من الارياح
يسج الفيافي اويطوي الابطاح
يگصد المكه اويطب مصباح
يصعد البطحه ابحزن وصياح
يصرخ اويصفج راحن ابراح
الخيل يا هاشم والاسلاح
تلفي هلي اعلى اخيول طفاح
ينادوه سولف منك اشراح
دونك يگاصد نتلف ارواح
يگلهم اودمع العين سفاح
تره احسين من ظهر المهر طاح
واتواردوا بسيوف وارماح
اوزينب تگلكم يلاصلاح
ترضون ستر الحرم ينباح
اومثل الشمر لحسين ذباح
اوظعن الحده ابزلمه الطرماح
الشاماتها ابولية زجر راح
اترك تعليق