يراچب نعامة هجن ولها
ابشوگ السره اوهايم عگلها
لاهي تملّه اولا يملها
شربها التعب والسير اجلها
صحيبت برگ مامش مثلها
سالم عسنك من وجلها
يا بلد نيتك گاصد الها
انچان الوطن سيد رسلها
رساله الهلي اوياك اتحملها
اوصيك حين اللي تصلها
شد معصبي اوصيح ابنزلها
يهل الرمك هذا محلها
الصوتك تراهي اتهيج كلها
شبانها اوشيب اوطفلها
ذاك الوكت دمعتك هلها
اشعلامك ينشدونك تگلها
الكم حرم بالطف يهلها
سبوها العده اوركبت هزلها
اولا ظل شريده الينغر الها
يرچب التگع ويشد حملها
ليها اعتنوا شيب اوشبلها
واطووا الفله طية سجلها
بلچن تلحجون ابزلمها
گبل ما تطب مجلس نذلها
ويشوفها امشتت شملها
يتشمت ابعزها اويذلها
اترك تعليق