صورة الشاعر
اسم الشاعر : السيد عبدالحسين الشرع

أم البنين وبشر بن حذلم

لفتله ام البنين اتصيح بالهون

يبن حذلم رجنت ابصوتك الكون

الي غياب عدهم حرم وظعون

اومن صوتك رجف گلبي اوتشئم

دگلي امنين اجيت اونيتك وين

واشعندك خبر گلي امن الحسين

نشد ياناس هاي التنشد امنين

ام عباس صاحوا يبن حذلم

يگلها عظم الله اجرچ بجعفر

وعبد الله وعثمان المشكر

وبوفاضل گمر هاشم تگنطر

ابشاطي العلگمي اوجسمه تخذم

تگله والجفن تيار دمعه

كل الكون والساچن الوسعه

يبن حذلم او ويلادي الاربعه

فدوه اتروح بس احسين يسلم

يگلها عظم الله اجرچ بلحسين

بگه بوادي الطفوف بغير تچفين

او لفه السجاد بظعون النساوين

اونصب بره المدينه الهم امخيم

من سمعت ابهذا الخبر منه

كثر ويد البچه اوصار الها حنه

طلعت تجذب الوادم الونه

تدگ عالروس وعلى الوجه تلطم

اترك تعليق

avatar
  Subscribe  
نبّهني عن