أم البنين تطيح وتگوم
خلف الضعن والگلب مالوم
وتنده ودمع العين مسجوم
على حسين عيني محاربه النوم
يعباس يوليدي يجيدوم
اخافن بخيّك تغدر الگوم
وينذبح ومن الماي محروم
اريدك تسوي بكربلا يوم
ليوم الحشر بي تاخذ اعلوم
عن وجه اخوك اتزيل الهموم
وتحفظ خدر زينب وكلثوم
يعباس يالما تحمل اللوم
ماريد يبني ايفوتك السوم
يعباس تانيني ارد احاچيك
امك وإلي حگ الربه اعليك
بالحسين ما يحتاج اوصيك
وخواتك خدرهن بالله وبيك
يحامي الضعن الله يحميك
والله إلخدر زينب يخلّيك
اترك تعليق